Komara tecavuzkaran

Ronayena xora dime desinde kewte gonya kurdan. 
Komara gonina, komara tirkî.
Serokwezîro tirk Recep Tayyîp Erdogan her tim ecdadê xorê wayîr vejîno.
Pekî Kamij ecdadê xo gonin niyo?
Osmanî ra bije hata hata ronayena komara tirkî, pêro ecdadê Recep Tayyîp Erdogan bi gonî biyê weyîye.
Yavuz Sultan Selîm birayê xo kistê, verva piyê xo darbe kerda, bi hezaran alevî kistê, Recep Tayyîp Erdogan vano “ecdadê mî.”
Eskerê xo tecavuzê domonan kenê, o vano “eskerê mi.”
Polîsê xo domonan rê tecavuz kenê, o vano “polîsê mi.”
Hakîm û savciyê xo bi hezaran siyasetvanan hepisxanan de poynenê, o vano “hakîm û savciyê mi.”
No sene vijdan o?
Mêrdîn de 26 tecavuzkarî tecavuzê çeneka 13 serrene kenê, mehkemê tirkî ceza en senike dano tecavuzkaran.
Îşte mehkemê komara tecavuzkare!
Nika zî qeza Çewlîg Bongilan (Solhan) bi biyayîsode murdar rojdem dera.
Bongilan de eskerê komara tecavuzkare jû çeneka 16 serrene, E.A., rê tecavuz kenê. Nî eskeran ra taye cerînê zerre. 
Dima, îtîrazê eskeran ser mehkemê na komare eskeranê tecavuzkaru serbest verdeno ra.
Mehkemê komara tecavuzkare qerarê nimite ramitena dawa zî dano. 
Hakîm û savcî bi na qerarê xo tecavuzkaran seveknenê. Sevev çi beno bibo, mehkemê komara tecawuzkare bi na qerar tecavuzanê bînan rê çixir kenê ra, raye danê tecawuzkaran.
Na rîwal ra jû komara ke domonanê xo tecawuz ra nêseveknena, ebi xo tecawuzkara. 
Serokwezîro tirk Recep Tayyîp Erdogan her kesî ra 3 domonu wazeno. 
Pekî kam nî domonu tecavuzkar, hakîm û savciyanê na komarê ra bisevekno?
Na komare bi xo tecawuzkar a, na komare rê domonî halete nêbê!
Na komare gonya miletê bînî sero ama ronayene, hardê marê tecawuz kerdo.
Ewro zî polîs, esker û gardiyanê na dewlete domonunê marê tecawuz kenê. Nahletî şero na komare!